මාතර නගර මධ්‍යයේ පිහිටි මෙම වලව්ව කුමාරතුංග මාවතට මුහුණලා පිහිටා ඇත. ඉපැරණි වාස්තු විද්‍යාත්මක ලක්ෂණ මැනවින් විදහාපාන මේ වලව්වේ නිවෙසේ සාලය වෙන් කරනු ලබන්නේ විශාල ආරුක්කුවකිනි.

සරම්මුදලි වලව්වේ ඉදිරිපස ද්වාරයේ උළුවස්ස මෙයට සමාන බවක් ගනී. එකල මෙවැනි නිවාසවල වාසය කළ වංශවත් ප්‍රභූ පැලැන්තිය තම නිවෙස්වලට එබඳු ගුණාංග එක් කරගෙන ඇති බවක් පෙනී යයි.

මේ වලව්ව මෑත කාලයේදී ප්‍රතිසංස්කරණයට ලක් වී ඇත. එහි වහලයට සිංහල උළු අතුරා තිබී පසුව රට උළු සෙවිලිකර ඇත. ලන්දේසි ගෘහ නිර්මාණ ලක්ෂණ දරණ ගොඩනැගිල්ලේ බිත්ති, වහල, දැවකර්ම තුළින් වාස්තු විද්‍යාවේ විශේෂතා මැනවින් ප්‍රකට කරයි.

කුලුනුවලින් නිවෙසෙහි මහේශාඛ්‍ය බව මනාව පිළිබිඹු වනු ඇත. මාතර සාන්ත තෝමස් කුමාර විදුහලෙහි කාර්යාලය ලෙස භාවිත කරනු ලබන්නේ මේ පැරැණි වලව්වේ කොටසකි. ක්‍රි.ව. 1844 ආරම්භ වූ මේ පාසල බ්‍රිතාන්‍ය යුගයේ මාතර ඇංග්ලිකානු පියතුමකු වූ එච්.ජේ. ඔන්ඩවිච් පියතුමා විසින් වැල්ලමඩමේ පිහිටි මේ පාසල වලව්ව වෙත ගෙනවිත් ස්ථාපිත කරන ලද බව පැවසේ. මාතර නගරයේ පෞරාණිකව ආරක්ෂා කරන විශාල ගොඩනැගිලි අතර ඔන්ඩච්ච් වලව්ව ද ප්‍රධාන තැනක් ගනී.

 

Location name: 
sub title : 
ඔන්ඩච්චි වලව්ව

ඔන්ඩච්චි වලව්ව